CAGAYAN DE ORO CITY – Luwas ra ang 506 ka pasahero nga dunay distinasyon padulong Cagayan de Oro City gikan sa pantalan sa Jagna,Bohol.
Kini human napadulong sa mabaw nga bahin sa MV Lite Ferry Five Roll on-Roll off passenger vessel dihang nagsugod na’g mani-obra pabiya sa pantalan patabok sa Mindanao sa miaging Sabado Santo.
Sumala sa naka-responde nga mga personahe sa Philippine Coast Guard 7 nga paspas nakapangayo’g panabang ang maong barko hinungdang nadali ang paghaw-as sa mga pasahero.
Napasayon usab ang pagkuha sa mga pasahero sakay sa rescue assets sa PCG tungod sa dinalian nga pag-abag sa local responders sa lugar.
Hinoon,walay nakit-an ang PCG nga dinagkong kasilik-an sa Chinese built nga barko nga gipadagan sa Lite Shipping Corporation.
