CAGAYAN DE ORO CITY – Paghatag katumanan sa kaugalingong saad ni Pres Bongbong Marcos ang walay hunong nga pagpanghatag niini sa patient transport vehicles o PTVs pinaagi sa PCSO ngadto sa LGUs nga pagtubag sa panginahanglang panglawas sa katawhan sa nasud.
Kini ang pagpasabot ni Marcos sa iyang pagpangulo mahatagan sa halos gatos ka PTV units ang 91 ka local govt units sa Northern Mindanao ug Bangsamoro Autonomous Region in Muslim Mindanao nga gihimo sa Don Gregorio Pelaez Sports Complex ning syudad kagahapon sa hapon.
Miingon si Marcos nga pinaagi sa maong mga sakyanan nga hitsas sa kagamitang-medical sa emerhensya,paspas na nga matubag ang tawag sa panabang sa mga pamilya nga adunay kabanay nga dad-on sa mga ospital.
Siya miingon nga target sa natl govt nga mahatagan sa maong sakyanan ang halos 2-mil ka LGUs palibot sa nasud ubos sa iyang administrasyon.
Hisayrang apil sa nakadawat mismo ang dagkong opisyal dinhi sa syudad ug lalawigan.
