Sugdan na ang pagpatuman sa tag-P20 kada-kilo sa bugas sa rehiyon sa Visayas sunod semana.
Kini subay sa sulti ni Department of Agriculture Secretary Francisco Laure Jr diin halos magtulo ka tuig nga saad ni Pres Bongbong Marcos.
Miingon si Laurel nga magsilbing pilot region ang Visayas alang sa tag-20 pesos kada-kilo nga bugas.
Siya miingon nga mapatuman kini tungod sa giingong pag-ubos sa presyo sa world market ug pag-us-os usab sa kantidad niini sa katibuk-an.
Dugang sa kalihim nga mahatagan kini sa katumanan kay gihinagbo na ni Marcos ang mga gobernadores sa tulo ka rehiyon sa Kabisay-anan alang niini.
Maoy gusto ni Marcos nga hinay-hinayon ang pagpatuman sa maong programa alang sa tibuok nasud kutob tuig 2028.
Dumduman nga nabatikos kanunay si Marcos kay wala pa gihapon nahataga’g katumanan ang maong saad.
Apan giklaro sa DA nga dili tanang konsumante makapalit sa maong klase sa bugas apan ang sobra ka kabus lamang,senior citizens,4Ps program members, persons with disabilities ug single parents.
Dugtong niini, gilayong gikuwestiyon ni Vice Pres Sara Duterte ang hukom ni Marcos kung nganong Kabisay-an lang ang baligyaan sa baratong bugas.
Kini tungod kay nanginahanglan usab ang katawhan sa Luzon ug Mindanao kung tinud-anay nga barato ang pagbaligya sa maong bugas.
Nagduda si VP Sara nga hayan dili pang-tawo ang ibaligya nga bugas apan haom alang sa mga kahayupan.
