CAGAYAN DE ORO CITY – Dili Roman Catholic leader apan universal shepherd ang pag-ila ni LGBTQ Pilipinas legal counsel Atty. Sam Tan kang anhing Pope Francis.
Kini ang gipalanog nga reaksyon sa maong siktor nga sa liderato lang ni Pope Francis nahatagan sa patas nga pagtagad sa simbahang Katolika.
Namahayag si Tan nga tinud-anay nga magbalantay sa katawhan sa Ginoo si Pope Francis kay nahiusa niini ang nagkadaiyang lideres sa ngalan sa ikalinaw sa kalibutan.
Gibutyag sa maong abogado nga kang Pope Francis niya nasaksihan ang kinaiya ni Kristo nga walay kaikog o kabalaka nga mohangop sa mga makasasala aron haw-ason sa pagkasala padulong sa pagbalik sa langitong- Amahan.
