Nagpatuman sa istrikto nga proseso sa pagpamaligya sa karne sa baboy ang National Meat Inspection Service (NMIS).
Tumong niini nga masiguro nga luwas ug limpyo ang mga baligyang karne sa baboy sa merkado.
Namugos si NMIS Officer-in-Charge Executive Director Dr. Roberto Umali, ang mga baboy miagi sa makuting inspeksyon sa wala pa kini makaabot sa mga tindahan.
Apan bisan sa maong paningkamot, nagpahimangno gihapon ang NMIS sa mga konsumante nga mag-amping sa pagpili ug pagpalit sa karne.
Girekomendar ni Umali ang pagpangita sa tatak sa NMIS aron masiguro nga kini limpyo ug luwas sa sakit.
Gipalig-on usab sa ahensya ang ilang inisyatibo sa inspeksyon, ilabi na sa mga slaughterhouse, cold storage facilities, ug meat distribution centers, aron malikayan ang posibleng mga risgo sa pagkaon.
Hisayran nga padayong gipakigbatokan sa nasud ang sakit nga African Swine Fever (ASF) nga paspas mukuyanap sa mga piggery.
Gikonsiderar ang ASF isip dakung hulga sa merkado ug panginabuhian sa mga magbababoy kay oras nga matakdan ang ilang mga binuhi sa sakit sa panit, dali ra dayon kini mamatay.
Ang mga sintomas sa ASF naglakip sa taas nga lagnat, pagkawala sa gana sa pagkaon, ug pagdugo sa panit.
