CAGAYAN DE ORO CITY – Mag-atubang sa kasong pagsupak sa akta republika 9165 ang tulo ka suspected drug pushers nga nasignit sulod sa nabungkag nga drug den sa Brgy Villa Verde,Iligan City.
Kini resulta sa gikasa nga buy-bust operation sa Philippine Drug Enforcement Agency 10-Lanao del Norte Provincial Office;Seaport Interdition Unit ingon man ang Iligan City Police Office-Station 5 batok sa mga dinakpan.
Nabawii gikan sa mga dinakpan nga sila alyas Eduardo,43 anyos;Joshua,27 anyos ug Lalan,45 anyos nga pulos taga-Iligan City ang 6 gramos sa gitoohang shabu nga nagkantidad 40-mil 800 pesos.
Namahayag si PDEA 10 regional director Atty. Benjamin Gaspi nga kini nga kalampusan resulta sa kampanya sa gobierno batok sa pagkaylap sa illegal nga droga sa rehiyon.
