CAGAYAN DE ORO CITY – Dako’g epekto sa pagkaylap sa ilegal nga droga sa Northern Mindanao partikular na sa Cagayan de Oro ug Misamis Oriental ang pagkasikop sa kapolisan sa ilang kauban nga nag-absent without official leave (AWOL) nga pulis kinsa akusado sa kasong kasupakan sa Comprehensive Dangerous Drugs Act of 2002 nga nasang-at sa korte ning lalawigan.
Kini ang reaksyo ni Philippine Drug Enforcment Agency 10 Director Atty. Benjamin Gaspi sa pagka-dakpi ni AWOL Police Staff Sgt Armand Tagolimot alyas ArTags sulod sa hideout niini sa usa ka subdivision sa Brgy Iponan ning dakbayan sa miaging semana.
Gibutyag sa Bombo Radyo ni Gaspi nga sa nahuptan nila nga impormasyon, si ArTags ang adunay kusog nga shabu distribution sa pipila ka lungsod sa Misamis Oriental ug syudad.
Siya miingon nga tungod sa malampusong pagsilbi sa warrant of arrest sa Bulua Police Statin 7 kuyog ang ubang special units sa Cagayan de Oro City Police Office o COCPO,malimitahan na ang illegal drug distribution sa syudad ug probinsya.
Nagpasalamat kini nga bisan idlas si Tagolimot sa ilang mga gihimong search operations sa lungsod sa Tagoloan sa miaging Agosto 2024,apan nalukong ra gihapon sa PNP ang pagtagu-tago niini.
Dumduman nga sa pagkadakop ni ArTags,nabawian kini sa grenada, mga armas,mga bala ug illegal drugs diin ang kusganong usab gihimakak niini.
Hisayrang pending usab ang kasong murder batok sa akusado kay giakasuhan usab ni nga mibira kang late Cogon Police Station commander Capt Abdulcahar Armama sa Brgy Buluan sa Oktobre 5, 2024.
