FAKE NEWS DAW ang report ni Davao City Congressman Paulo Duterte nga gi-ronda sa mga kapulisan ang puy-anan sa iyang amahan sa Davao City, sa mismong adlaw sa Labor Day.
Gihimakak ni PBGEN Jean Fajardo, spokesperson sa Philippine National Police ug PRO-III Regional Director ang social media – press release sa kongresista.
Namugos si Fajardo nga dili kapulisan ang mi-atake sa ilang panimalay ug wala silay mapagawas nga ebidensya nga magpakita sa kapin gatus ka mga operatiba gikan sa Criminal Investigation and Detection Group (CIDG) ug Special Action Force (SAF) nga nagmonitor sa maong lugar.
Nangutana ang kapulisan kung asa gikan ang impormasyon nga nahuptan ni Rep Duterte.
Una niini, nagkatag sa social media ang paspas nga pagtapok sa mga supporters ni Duterte sa ilang puy-anan sa Brgy Matina human makakuhag impormasyon si Kitty Duterte nga may laraw ang CIDG kuyog ang Special Action Force (SAF) nga rondahon ang balay sa iyang amahan
