Gidominar sa usa ka Korean cyclist ang 2025 Tour of Luzon.
Nasakmit ni Joo Dae Yeong ang kampeonato human sa sobsob nga kompetisyon sa Stage 8, nga gitak-upan sa Camp John Hay, Baguio City.
Nasakmit ni Joo Dae ang top spot bisan naka-abot kini sa finish line nga guba na ang likod nga bahin iyang ligid. Mitala ang koreanong siklista sa 4 oras 21 minutos ug 31 segundos sa 177.54-kilometer race gikan Lingayen, Pangasinan.
Sa kinatibuk-an, nahuman ni Joo ang torneyo pinaagi sa iyang 22 ka oras 21 minutos, ug 8 segundos nga pagbiya sa walo ka higayon nga pagtuyok sa Ilocos Norte, Ilocos Sur, La Union, Tarlac, Pampanga, Pangasinan, ug Benguet.
Human sa dula iyang nabulsa ang P1 million nga premyo ug gidominar sa yellow jersey ang dula, gikan sa sinugdanan, bisan tolo sa iyang kauban ang naaksidente sa stage 6.
Mitapos sa ikaduhang puwesto ang pinoy cyclist nga Jan Paul Morales ug mitala sa record nga 22:21:14, o unom segundos lang ang ligas sa record ni Joo.
Bisan sa gibating kasayang, nalipayon gihapon si Morales tungod kay nakabalik kini sa torneyo taliwala sa iyang pagka aksidente sa Stage 1.
Sa pikas bahin, gisurprisa ni Joshua Pascual ang tanan bikers human siya ang misakmit sa pasidungog sa “Eagle of the Mountain” sa Stage 8.
Ang 2025 Tour of Luzon, maoy usa sa pinaka-gihulatang kakera sa mga siklista sa kasaysayan sa Pilipinas, ug bukas kini sa mga siklista sa tibook kalibutan.
