Mitambong sa campaign rally sa PDP Laban ang ikaduhang anak nga babaye ni kanhi Presidente Rodrigo Duterte sa Quezon City.
Si Veronica “Kitty” Duterte maoy nagdala sa personal nga mensahe sa iyang amahan nga padayong gibalhig sa prisohan sa International Criminal Court (ICC) didto sa The Hague Netherlands.
Kini pa ang unang higayon nga mipakita ang kamanghurang anak ni Duterte sa mga campaign sorties sa ilang bando ug mikampanya sa DuterTEN senatorial slate.
Sa iyang mensahe, siya namahayag nga mibati kini’g kasakit sa ilegal nga pagpa-priso sa iyang amahan sa ICC, ug nasaksihan niya ang managlahing nawong sa pagpangabuso gikan sa kamot sa kaliwat-pinoy niadtong Marso 11.
Busa iyang gi-awhag ang mga botante nga mag-block vote alang PDP-Laban senatorial candidates, nga gitawag niya isip DuterTEN.
Wala malikayi ni Kitty ang pagkondinar ang kasamtangang lihok sa administrasyon nga mas nagpunting sa pagdaot sa ilang pamilya ug mga kaalyado, inay tutokan ang korapsyon ug kakabus.
Si Honeylet Avanceña, ang kapikas ni Duterte, mipasundayag usab sa iyang suporta sa DuterTEN ug namulong nga ang mga Pilipino kinahanglan mopili sa matinud-anong lider nga magsilbi sa nasud, dili sa kaugalingon.
