Gitunulan sa Malacanang sa Posthumous Presidential Merit Award ang upa ka mga babayeng “icon” sa kultura sa Pilipinas.
Namahayag si Presidente Bongbong Marcos nga walay MAKATUPONG sa daku ang nahatag nga kontribusyon sa Film, Music Industry ug Culinary Arts nila Nora Aunor, Pilita Corrales, Gloria Romero, ug Margarita Araneta Fores.
Si Nora Aunor, naila na isip National Artist for Film and Broadcast Arts ug gibansagang Superstar sa Philippine Movie Industry.
Miingon si Marcos nga anaa sa 170 ka pelikula ang iyang napapelan ug nagsilbi kining inspirasyon sa daghan local celebrities.
Si Nora namatay niadtongAbril 16, 2025, sa edad nga 71.
Si Gloria Romero, maoy gibansagan nga Queen of Philippine Cinema kundiin aduna siyay 50 ka pelikula ug nakadaog sa daghang FAMAS, Gawad Urian, ug Luna Awards.
Siya namatay niadtong Enero 25, 2025 sa edad nga 91.
Samtang si Pilita Corrales, nailhan isip “Asia’s Queen of Songs”, usa ka legend sa OPM ug ang boses sa mga awit sama sa “Rosas Pandan”, “Usahay”, ug “Kapantay ay Langit”.
Siya namatay niadtong Abril 12, 2025 sa edad nga 87.
Ang ika-upat mao si Margarita Araneta Fores, naila sa iyang titulo nga Asia’s Best Female Chef.
Siya nagmugna sa mga restaurant sama sa CIBO, Grace Park, ug Lusso.
Mitaliwan si Fores niadtong Pebrero 11, 2025, sa edad nga 65.
Usa sa misaksi sa awarding ang kanhi First Lady nga si Imelda Romualdez Marcos.
