Dakpan sa gilusad nga drug buy bust operation ang usa ka High Valued Individual sa Purok 3, Brgy. Kinura, Kalilangan, Bukidnon.
Giila ang suspek nga si alyas Rolly, 48 anyos, walay trabaho ug residente sa Brgy. Conception, Pangantucan, Bukidnon.
Nakuha sa posisyon sa suspek ang tulo ka heat-sealed nga sachet nga adunay white crystalline substance nga gituohang shabu ug dunay gibug-aton nga 100.8 gramos.
Ang street value sa druga gibana-bana sa P685,440.
Nakuha usab sa posisyon sa suspek ang usa ka libo nga buy-bust money ug usa ka gatos nga papel.
Gikompiskar sa kapulisan ang iyang cellphon, ug Honda CRF 150 nga motor. Ang suspek gikoral sa Kalilangan Municipal Police Station.
