Nangunay sa pagsusi si National Food Administration (NFA) administrator Larry del Rosario Lacson sa ibaligya nga tag 20 pesos per kilo nga bugas sa Central Visayas gikan sa Occidental Mindoro.
Mukabat sa 35,000 ka sako sa bugas ang gibuksan sa team ni Lacson, sulod sa bodega sa NFA Central Visayas aron mapaniguro nga luwas kan-on ang mga ibaligya nga bugas.
Unang mi-abot ang nasampit nga shipment niadtong Mayo 9, ning tuiga, sakay sa MV Maria Annie padulong Cebu.
Gipamatud-an sa administrador nga limpyo ug walay sagol sa dubok nga bugas ang mga na-inspection sa iyang grupo.
Subli gipamugos sa opisyal nga mabaligya lamang sa mga miyembro sa Pantawid Pamilyang Pilipino Program o 4Ps, katigulangan, PWDs, ug Solo Parents ang gisubsidiya sa gobyerno nga Mindoro Rice.
