Walay bati-on nga kakapoy si dismissed Overseas Workers Welfare Administration (OWWA) Administrator Arnell Ignacio kung hisgutan ang pagpasabot sa legal nga proseso sa pagpalit sa gi-akusar nga P1.4 bilyon anomalous land acquisition deal.
Human sa pipila ka adlaw nga pagpakahilom, mitingog ang kanhi talkshow host nga miagi sahustong proseso, lakip ang pagsusi sa technical working group sa OWWA, paghatag sa Special Allotment Release Order (SARO), ug pagtugot sa Civil Aviation Authority of the Philippines alang sa maong yuta.
Si Ignacio mitataw nga ang maong yuta gituyo pagpalit aron tukuran sa halfway house alang sa mga OFW nga duol sa NAIA Terminal 1.
Namugos ang kanhi administrador sa OWWA nga puno sa sensiridad ug pagpakabana ang iyang serbisyo sa OWWA ug para kini sa tanan mga OFWS.
Una gikakurat ni Ignacio ang pagsipa kaniya ilabe nga gihalaran niya sa tibook dedikasyon ang pagserbisyo sa mga OFWs human siya gitudlo niadtong Agosto 10, 2022 sa administrasyon ni Presidente Bongbong Marcos.
Sa wala pa kini, siya nagserbisyo isip Deputy Administrator sa OWWA gikan sa 2018 hangtod 2019 ilawom sa administrasyon ni kanhi Presidente Rodrigo Duterte.
Maoy mihulip sa nabakantihang posisyon ni Ignacio si Patricia Yvonne Caunan
