CAGAYAN DE ORO CITY -Negatibo ang monitoring sa intelligence team sa PDEA 10 kabahin sa gidudahang narco-politicians nga milambigit sa bag-uhay lang natapos nga 2025 midterm elections sa Northern Mindanao region.
Kini ang tubag ni PDEA 10 regional director Atty. Benjamin Gaspi sa pangutana sa Bombo Radyo kung nagkaylap ba ang ‘narco-money’ kay hayan adunay mga kandidato nga namaligya’g illegal nga droga alang sa ilang magamit nga pondo.
Siya miingon nga kung adunay dagkong mga sindikato nga naglihok,posibleng wala kini nagpondo sa rehiyon apan sa ubang bahin sa Pilipinas aron makaiwas sa pagkasikop.
Miingon si Gaspi nga kutob na lang sa high value targets ang ilang gaka-dakpan apan lisod na nila matultulan ang lokasyon sa suspected drug lords ug drug queens.
