CAGAYAN DE ORO CITY – Napalig-on pa ang tinuig nga kasaulugan sa Kuyamis Festival diin paagi sa taas nga pag-ila sa anibersaryo sa pagsilbing probinsya sa Misamis Oriental.
Kini human pasado na sa 3rd and final reading ang balaodnon ni Misamis Oriental 2nd District Cong. Bambi Emano sa senado aron opisyal nang ilhon ang Kuyamis Festival sa lalawigan kada-tuig.
Mismo si Sen JV Ejercito ang mibatbat sa maong balaodnon ug paspas usab gipalusot sa mga kaubang senador sa pagpangulo ni Senate Pres. Chiz Escudero.
Tungod niini,gipaabot nga pirmahan kini ni Pres Bongbong Marcos aron mahingpit ang pagkabalaod ug mapatuman sa lalawigan pipila ka bulan sulod ning tuiga.
Dugtong niini,gikalipay sa kongresista nga nahatagan na sa katumanan ang maong balaodon aron mas maila pa ang Misamis Oriental dili lang sa natad sa turismo apan sa pagbaton sa mga maanyag ug malantip nga mga salabutan nga kababayen-an.
Kini tungod kay sa maong kalihukan,tinuig nga mopili ang katawhan sa mga maanyag nga kababayen-an nga maoy molangkob sa Ms Kuyamis Festival competition.
Hisayrang tipik sa mga nakoronahan nga Ms Kuyamis Festival ang representasyon usab sa Misamis Oriental sa national pageant competition sulod na sa kapin dekada didto sa kauluhan.
