CAGAYAN DE ORO CITY –Ipatawag ni City Vice Mayor Jocelyn Rodriguez ang mga transport group nga apektado sa bag-ong routing scheme sa syudad.
Kini human gikahinabi niini ang ubang grupo nga dismayado sa maong programa nga nasubay sa ordinansa.
Miingon si Rodriguez nga dad-on niya sa buhatan ni City Mayor Rolando Klarex Uy ang maong mga grupo aron makakab-ot sa ensakto nga sulbad kabahin sa ilang pangnabuhian.
Nabalaka kini sa mga sector nga apektado sa maong pagbag-o sa rota sa dakbayan.
Hisayrang nag-transport strike ang pipila ka mga rota aron ipadayag ang ilang pagka-dismaya sa gipatuman nga Local Public Transport Route Plan.
