CAGAYAN DE ORO CITY – Gipasidan-an ni Bureau of Fire Protection 10 Director Chief Supt Romel Tradio ang mga aplikante nga mosulod sa pagka-bombero nga mag-igmat sa mga tawo nga adunay modus operandi nga sila panguwartahan.
Gihimo ni Tradio ang pasidaan nunot sa ilang pagbukas alang sa gusto mosulod sa maong propesyon nga duulan sa pipila ka tawo nga mogamit sa pangalan sa BFP aron makapanapi ngadto sa mga aplikante.
Partikular usab gipasidan-an niini ang mga empleyado sa BFP nga dili mohimo’g hinangal aron kalikayan nga makasuhan ug manubag sa ilang mga kalihukang illegal.
Dumduman nga sa wala pa nadestino sa Northern Mindanao si Tradio,may mga kauban kini didto sa Caraga nga gipangkasuhan kay nasapon nga gipanapian ang pipila ka aplikante aron makasulod sa BFP.
