CAGAYAN DE ORO CITY – Dili kabus nga pamilya nga gilangkuban sa lima ka miembro kung aduna kini kinitaan nga 13-mil 964 pesos kada-bulan.
Kini ang makakurat nga sugilon sa Philippine Statistics Authority o PSA 10 sa pagtaho niini atubangan sa prensa sa dakbayan.
Miingon si PSA 10 regional director Dr. Janith Aves nga subay kini sa ilang pinakaulahi nga pagtoon kabahin sa kapasidad sa matag-pamilya dinhi sa rehiyon.
Siya miingon nga matawag lang nga kabus ang usa ka pamilya kung ang iyang binulan nga kinitaan ubos ra sa 13-mil pesos.
Hisayrang sa kasamtangang panahon,naghinobra na ang pagsaka sa presyo sa mga batakang palaliton o inflation diin daghang katawhan ang naglisod sa inadlaw nga panginahanglan sa ilang mga pamilya.
