Usa ra ka pasahero ang milagrong nabuhi ug nagsilbing lone-survivor sa nahagsa nga passenger plane sa India Flight AI171, didto sa Ahmedabad, India.
Segun sa report, patay ang tanan 241 ka pasahero ug crew ang sakay sa eroplano, ug ang pasahero nga si Vishwash Kumar Ramesh, 40-anyos nga British national, ang buhi pa nga mabangalan sa mga rescuer nga nakalingkod sa seat 11A ug gidala sa ospital.
Nagbaton kinig impact injuries sa dughan, mata, ug tiil ug padayong gimonitor ang kahimtang sa iyang panglawas.
Ang nahagsa nga Boeing 787-8 Dreamliner, nagbiyahe gikan sa Ahmedabad padulong sa London Gatwick, apan nahugno 30 segundos human sa takeoff.
Unang namahayag si Vidhi Chaudhary, top state police officer sa India nga kapin 290 na ka tawo ang patay kundiin, 241 ang pasahero ug 53 ang patay nga mga residente, human mitabogsok ang abyon sa residential area sa Meghaninagar, nga adunay gilay-ong 1.7 kilometro gikan sa airport.
Misaad ang Union Minister of Civil Aviation nga imbestigaran ang hitabo ug ipapanubag ang mga sad-an.
Una niini, nagviral na sa social media ang mga post sa mga pasaherong nangamatay sa mihagsa nga abyon kundiin, depektoso ang air cooling system ug nakasita sila sa grabeng kainit sa wala pa sila milupad.
