Mag-atubang sa contempt of court, bug-at nga multa ug pagkapriso ang silot sa mga personalidad nga dili mutunga sa ilusad nga impeachment hearing ni Vice Presidente Sara Duterte.
Mitin-aw si Impeachment Court Spokesperson Atty. Reginald Tongol nga kung masugdan ang pagdungog sa kaso, gilauman sa korte nga mutahod ang mga ipatawag nga mga indibidwal, segun sa nalatid nga eskedyul sa presensya sa korte.
Usa sa iyang gihimong pananglitan ang posibilidad nga dili mutunga ang bise presidente, kuyog ang mga gi-subpoena nga mga key respondents sa kaso.
Gitin-aw ni Atty Tongol nga dili magduha-duha ang korte sa pag contempt sa mga partido nga nagdumili sa pagsunod sa mando sa impeachment court.
Kung si Duterte padayong dili motunga, ang Senado adunay gahum sa pagpagawas sa contempt order, ayha muhimo’g desisyon gamit ang legal nga pamaagi sa silot sama sa pagpahamtang sa bug-at nga multa ug pagkabilanggo.
