CAGAYAN DE ORO CITY – Nakagawas na gikan sa pagka-ospital ang pasyenteng lalaki nga natakbuyan sa monkey pox nga gikan sa syudad sa Ozamiz,Misamis Occidental.
Kini ang gisaysay ni Ozamiz City CHO chief Dr Maria Florelyn Yrogirog dihang gibisitahan sa mga sakop sa prensa aron kumustahon ang kahimtang sa maong pasyente.
Namahayag ang maong opisyal nga nasubay na usab nila ang mga tawo nga pinakaulahi nga gikauban sa pasyente ayha kini boluntaryon nagpa-admit sa ospital sa miaging semana.
Siya miingon nga dili ra usab angay kabalak-an ang maong klase bayrus nga mitakboy sa pinakaunang kaso sa Northern Mindanao kay dili kini grabe itandi sa ubang kanasuran nga mikalas sa daghang kinabuhi sa mga tawo.
