Wala pay opisyal nga pamahayag ang gobyerno sa Australia sa gipetisyon nga interim release ni kanhi Presidente Rodrigo Duterte, aron temporaryong makagawas sa prisohan sa International Criminal Court (ICC).
Apan ang abogado sa mga biktima sa war on drugs nga si Atty Kristina Conti nag-una-una na’g pamahayag nga wala dawata sa langyaw nga nasud ang hangyo.
Namugos si Conti nga wala pay nasud nga midawat sa petisyon sa kampo ni Duterte busa wala kini dawata sa gobyerno sa Australia.
Taliwala nga nagpasi-atab sa walay basihan nga pamahayag ang abogado, malaumon gihapon kini nga dili makagawas sa prisohan sa ICC si Duterte bisan gamiton sa depensa ang iyang edad sa katigulangon.
Namugos si Conti nga mabutang sa peligro ang imbestigasyon oras nga hatagan sa interim release sa ICC Judges si Duterte kay makuwestiyon niini ang integridad sa imbestigasyon tungod sa iyang political nga impluwensya sa Pilipinas.
Busa, alang kaniya, nagpadayon ang posibilidad nga balibaran gihapon ang iyang hangyo walay nasud nga gustong musupak sa imbestigasyon sa ICC
