Kasong cyber libel ang gisang-at ni Commodore Jay Tarriela, tigpamaba sa Philippine Coast Guard (PCG) sa West Philippine Sea (WPS), batok sa vlogger nga si Sass Rogando Sasot sa Manila Prosecutor’s Office.
Namugos si Tarriela nga “scurrilous libels”, malisyoso, ug intensyonal nga midagmal sa iyang imahe isip empleyado sa gobyerno ang mga post sa vlogger sa Facebook ug X (kaniadto Twitter).
Lakip sa gipasangil kaniya ni Sasot ang pagpangurakot, pagdawat sa suhol, ug pagpanglimbong.
Lakip niini ang akusasyon nga midawat si Tarriela sa $4 milyon nga “talent fee” gikan sa Estados Unidos ug tulo ka bag nga puno sa salapi gikan kang House Speaker Martin Romualdez.
Giakusahan usab siya vlogger isip “Philippine Military Academy cheater.” Si Tarriela mipanghimakak sa tanang akusasyon.
