Malaumon ug nangandoy ang lokal nga kagamhanan nga mapalig-on pa ang halal ecosystem sa lungsod sa Cagayan de Oro, pinaagi sa Halal Lane Launching Caravan.
Si Atty. Jose Edgardo Uy, Chairperson sa Regulatory Commission Board ug Price Coordinating Council namahayag nga, suportado ni Mayor Rolando Klarex Uy ang inisyatiba, kundiin ang kalihukan nagsundayag kung unsa ka mahinungdanon ang pag-promote sa halal-certified products isip kabahin sa inclusive economy ug respeto sa kultura sa Muslim community, ning syudad.
Miingon si Uy nga ang CdeO LGU nagtinguha nga mapalapdan ang access sa limpyo, luwas, ug halal nga mga produkto, dili lang para sa mga Muslim apan alang sa tanang konsumante nga nagtan-aw sa halal isip marka sa kalidad ug kalimpyo.
Gisuportahan sa caravan ang City Ordinance 14477-23, nga maoy haligi sa halal industry sa Northern Mindanao, ug gilauman nga mas daghang merkado ang mosubay sa pagpatuman sa halal lanes sa ilang establisemento.
