CAGAYAN DE ORO CITY – Mabalhin na sa laing area of assignment si Philippine Drug Enforcement Agency 10 Regional Director Atty. Benjamin Gaspi epektibo sulod ning bulana.
Kini subay sa kamanduan sa ilang kadagkuan sa PDEA -Central Office diin natahasan sa pagpatuman sa paglahugay sa pipila ka regional directors ning tuiga.
Matud ni Gaspi nga maoy bag-o niya nga tahas ang pagpangulo sa PDEA Region 1 sa Luzon.
Mohulip usab kaniya isip amahan sa PDEA 10 si Alex Tablate nga gikan sa Central Visayas Region.
Pulos nagbaton sa mga dagkong anti-illegal drug operation accomplishments ang duha ka regional directors nga tipik sa mabalhin sa ilang mga tahas.
Dugtong niini,managsama nga nagpaabot pasalamat ang mga kauban nila sa trabaho nunot sa pagpangulo sa duha ka regional offices sa ahensiya sa sentrong bahin sa Kabisayaan ug Amihang Mindanao.
Hisayrang nagserbisyo si Gaspi sa rehiyon sulod sa usa ka tuig ug halos pito ka bulan ayha pulihan ni Tablate.
