Nahagbong sa kamot sa kapulisan ang usa ka High-Value Individual (HVI) sa gikasa nga drug buy-bust operation sa Amoros, El Salvador, Misamis Oriental.
Ang hiniusang puwersa sa PNP DEG SOU-10, Regional Explosive Canine Unit 10, RIU-10, RID-10, RMFB-10, Maritime Group 10, RDEU-10, CDEU, El Salvador City Police Station, ug PDEA Misamis Oriental miresulta sa pagkasikop sa suspek nga si alyas “Kulot,” 23 anyos, ug markadong High-Value Individual (HVI), ug resident sa maong lugar.
Nakompiskar sa suspek ang pito ka pakete nga gitoohang adunay sulod nga shabu.
Mitimbang kini sa 52 gramos, ug gibana-bana nga anaa sa P353,600.00 presyo sa ilegal nga druga oras nga mabaligya.
Positibo usab nga nakuha sa mga otoridad sulod sa iyang sling bag ang P1,000.00 bill nga gigamit isip buy bust money.
Gidetenar na sa prisohan sa SOU-10, PNP DEG ang dinakpan.
