Gibisita sa South Korean news media ug mga travel vloggers ang lalawigan sa Misamis Oriental.
Init nga gisugat sa MisOr Provincial Government ang mga langyaw nga turista ug gisundayag ang managlahing tourist spot sa lalawigan.
Ang ilang pagbisita usa ka dakong oportunidad alang sa lalawigan nga mapakita sa internasyonal nga platform” ang mga talan-awon sama sa mga baybayon, eco-tourism sites, ug mga pagkaon nga lokal nga ginatanyag.
Gidokumentaryo sa mga bisita ang ilang kasinatian pinaagi sa mga video ug artikulo nga ilang ipang-post sa social media ug mga news outlet sa South Korea, nga naghatag og positibong exposure sa Misamis Oriental.
Ang lokal nga gobyerno nagpasalamat sa maong inisyatiba ug naglaum nga kini makahatag sa dugang nga interes sa mga turista gikan sa gawas sa nasud.
Maoy migiya sa mga langyaw ang Provincial Tourism Office ug Department of Tourism.
Human sa malampusong pagbisita, padayong gi-imbitar ni MisOr Governor Juliette Uy ubos sa iyang tourism program ang tanan mga langyaw nga gustong mubakasyon sa lalawigan.
