Narekober sa mga otoridad ang usa ka sako sa gituohang sunog nga mga bukog sa mabaw nga bahin sa Taal Lake.
Sumala sa Department of Justice o DOJ nga narekober ang mga bukog dihang nagpahigayog inspeksyon sa lanaw ang Philippine Coast Guard alang sa gikasang surface assessment.
Ang maong mga bukog ipaubos sa usa ka DNA test aron masuta kung mag match sa mga nawalang sabungero.
Hisayran nga una nang namahayag si DOJ Assistant Secretary Spokesperson Mico Clavano nga lig-on ang mga impormasyon nga ilang nakuha nga anaa sa maong lake gilabay ang mga patay’ng lawas sa mga sabungero.
