Nanawagan si Senador Alan Peter Cayetano sa gobyerno sa Pilipinas nga mangayo sa temporaryong kagawasan alang kang kanhi Presidente Rodrigo Duterte gikan sa kustodiya sa International Criminal Court (ICC) ug ipailawom kini sa house arrest sa Philippine Embassy sa The Hague, Netherlands samtang nagpaabot sa iyang hearing.
Subay sa resolusyon nga gisumiter sa senador kagahapon, miingon si Cayetano nga ang tumong niini mao ang pagpatuman sa humanitarian grounds kay katigulang na si Duterte, adunay pagluya sa panglawas ug nakasinati sa taas nga panahon sa isolation.
Gipasabot sa senador nga ang paghatag sa house arrest dili makadaot sa integridad sa kaso, ug makahatag kinig kahupayan sa emosyonal ug pisikal nga kahimtang sa kanhi presidente.
