Gi-awhag ni Presidential Sister – Senator Imee Marcos ang Malacanang nga muhatag katin-awan sa publiko batok sa kalambigitan ni First Lady Liza Araneta Marcos sa pagkamatay sa negosyante nga si Paulo Tantoco, didto sa Los Angeles, California USA.
Niadtong unang semana sa bulan sa Marso, ning tuiga, gipanguluhan sa First Lady ang pagpromotar sa Manila International Film Festival kundiin, usa sa mga nakitang guest si Tantoco.
Subay sa lab-as nga report nga gipagawas sa Los Angeles City Police District, cocaine overdose ang hinungdan sa kamatayon ni Tancoco ug napalgan ang iyang walay kinabuhi nga lawas sa pagka Marso 28.
Mahinumduman nga makapila ka higayon gipanghimakak sa Malakanyang nga wala nalambigit ang kapikas ni Presidente Bongbong Marcos, ug gigamit pa ang National Bureau of Investigation sa pagmanhunt sa mga social media vloggers nga nag expose sa kalambigitan sa first lady.
