CAGAYAN DE ORO CITY – Ipalig-on sa city government sa Cagayan de Oro ang gihuptan niini nga business tourism potential.
Kini pinaagi sa pakusgon pa nga ‘meetings,incentives,conferences ug exhibitions/MICE nga kabahin sa development plan sa tourism office sa dakbayan.
Gibutyag ni Mark Kenneth Jalapadan,asst tourism officer sa syudad nga gumikan sa pagsilbing regional hub sa Northern Mindanao,dili mahimo nga mapasagdan ang bisan asa sa aspeto sa turismo ug komersyo.
Siya miingon nga nagkahulugan kini ipakaylap pag-ayo ang business tourism apan dili pasagdan ang kultura ug lawom nga kasaysayan sa dakbayan.
Dumduman nga mismo ang Senior San Agustin Cathedral nga natukod 1780,kanhi Casa Real nga ilado nang gitawag nga city hall ug ang water tower nga gisudlan sa tubig nga gigamit nga suplay sa unang Cagayanons sugod 1922 hangtod 1960s.
Wala pa’y mga labot niini ang ubang ‘iconic landmarks’ ug mga langub nga nagsilbing puy-anan sa unang mga kaliwatang-Cagayanons.
