Nakabsan ang 10 ka mga sundalo sa pro-government forces, sa init nga engkwentro batok Houthi militia sa Saada Yemen.
Ang insidente nahitabo kagahaong adlawa nga nagresulta sa tumang kahadlok sa mga residente nga namuyo duol sa Aleb military front, sa amihanang bahin sa probinsya.
Dili pa matumbok sa gobyerno sa Yemen kung pila ang patay sa kampo sa mga rebelde tungod kay nagpadayon pa ang ilang pagtapok sa mga lawas sa Houthis nga namatay sa crossfire.
Mahinumduman nga sukad nawagtang ang ceasefire sa sundalo ug rebelde sa maong nasud, sa 2022, misiaw dayon ang mga rebelde ug nangandoy nga malukop nila’g sakop ang tibook nasud sa Yemen.
Unang nasugdan ang konflikto sa Yemen sa tuig 2014.
