Misaka pa sa 31 ka tawo ang patay tungod sa pagkuso kuso sa tolo ka managsunod nga bagyo ug mga pag-ulan nga dala sa Habagat.
Namahayag ang National Disaster Risk Reduction and Management Council (NDRRMC) nga 13 na ang kompirmadong patay ug 18 ang gipaubos sa beripikasyon.
Pinakadaghan sa nakalas nagsumikad sa Metro Manila nga mitala sa siyam.
Laing 6 sa Western Visayas, 4 sa Calabarzon, tag tolo sa Negros Island Region ug Northern Mindanao, 2 sa Central Luzon , ug tag-usa ka patay sa Mimaropa, Davao Region, ug Caraga. Anaa sa 7 ka tawo ang padayong gipangita ug misaka pa sa 10 ang samaran.
Subay sa lab-as nga data sa Damage and Needs Assestment o (DANA) Report, mitubo pa sa 5.6 Bilyon pesos ang kadaut sa imprastraktura ug 766-Milyon pesos sa agrikultura.
Misumada na sa 5.8 milyon ka tawo ang naapektuhan sa 17 ka rehiyon, samtang padayong operational ang 1,689 evacuation centers.
Gumikan niini, gimando ni Presidente Bongbong Marcos nga ipadayon ang pag-apud sa ayuda hangtud sa makabalik ang mga namakwit sa ilang mga puy-ana
