Gipadayag ni Israeli Prime Minister Benjamin Netanyahu ang plano sa ilang gobyerno nga kontrolon ang tibuok Gaza Strip aron malimpyuhan sa remnants sa Hamas Militants. Miingin ang primo ministro nga tumong sa Israel ang pagwagtang militante nga dugay nang mi-abusar sa mga nanimuyo sa Gaza ug aron maprotektahan ang seguridad sa Israel sa ilang subling pagpangatake. Giklaro ni Netanyahu nga dili nila tuyo nga okupahan ang Gaza, apan gusto nila nga kini nga demilitarisahon ug itugyan sa usa ka “peaceful civilian administration” nga dili konektado sa Hamas o Palestinian Authority. Ang plano gisuportahan sa Israeli Security Cabinet ug giandam na ang military buildup sa border sa Gaza.
Tungod sa laraw sa PM Netanyahu, nakadani kinig dakong kabalaka sa internasyonal nga komunidad, lakip na sa United Kingdom, Australia, ug Canada nga nanawagan sa kalinaw ug humanitarian relief. Ang Hamas mitubag nga ang pagpalapad sa agresyon dili usa ka “walk in the park” ug nagpasidaan sa dugang kasamok sa rehiyon. Gisaway sa mga humanitarian groups ang plano tungod sa posibilidad sa mas daghang civilian casualties ug ang pagpalala sa gutom sa Gaza. Sa kasamtangan, ang Egypt ug Qatar nagpadayon sa mediation efforts alang sa ceasefire ug hostage release deal.
Wala pa’y opisyal nga komento si US President Donald Trump sa bag-ong pronouncements ni Netanyahu, apan si Trump miingon ng ang Israel may katungod sa pagdesisyon kung unsa kadako ang ilang kontrol sa Gaza. Ang Israel karon ang mihupot sa kapin 75% sa Gaza, apan ang plano sa full takeover nagpasabot sa mas lawom nga military engagement. Si Israeli Defence Force (IFD) Chief of Staff Lt. Gen. Eyal Zamir nagpahayag SA kabalaka nga ang dugang operasyon mahimong makadaot sa mga hostage rescue efforts ug makapaluya sa Israeli forces. Una nang nanawagan ang United Nations sa uban kanasuran nga pugngan ang laraw ni Netanyahu kay makonsiderar kini nga “deeply alarming” tungod sa humanitarian crisis nga nagpadayon.
