Nahuman na ang miting ni United States President Donald Trump, Ukraine’s President Volodymyrr Zelenskyy, ug mga lider sa European Union sa White House karong buntag, oras dinhi sa Pilipinas.
Unod sa ilang nahisgutan ang posibilidad sa peace deal aron tapuson ang gubat sa Ukraine.
Si Zelenskyy mipadayag sa klarong baruganan nga dili siya mouyon sa paghatag sa teritoryo sa Russia, samtang si Trump misugyot sa trilateral nga panagtagbo uban ni Putin aron mapaspas ang negosasyon.
Ang mga EU leaders misuporta sa Ukraine ug nangayo sa lig-on nga security guarantees, samtang si Trump nag-ingon nga ang U.S. andam motabang pero wala pa maghatag og klarong detalye.
Mas kalma ug diplomatikal ang tono sa miting karon kumpara sa ilang tensyonado nga panagtagbo niadtong Pebrero.
