Gibatikos ni Senador Panfilo Ping Lacson ang kadudahang flood control project sa Arayat, Pampanga human naguba subli ang riverbank mitigation structure sa Candating bisan sa kadaghan gasto sa rehabilitasyon sa gobyerno.
Sumala sa report, niadtong Hulyo 2025, subli naguba na ang parte sa istruktura human sa kalihukan sa Bagyong Emong, bisan pa natapos ang pinakabag-ong reconstruction niadtong Hunyo.
Giingon ni Lacson nga ang pondo para sa maong proyekto nagsugod pa niadtong 2018 diin ₱20 milyon ang gigahin alang sa pagtukod o pag-ayo sa slope protection daplin sa Pampanga River, Candating Section.
Apan bisan sa maong alokasyon, napakyas gihapon ang istruktura sa pagbarog sa mga kalamidad.
Nagpabiling pangutana ang kalidad ug integridad sa proyekto nga gisugdan sa daghang tuig na ang milabay.
Gipangayo ni Lacson ang mas lawom nga imbestigasyon aron masuta ang hinungdan sa padayong kapakyasan sa proyekto.
