CAGAYAN DE ORO CITY – Nasakmit sa contingent sa Brgy Lumbia ang sobra tunga sa milyon ka pesos nga premyo sa street dancing competition nga kabahin sa pinakadako nga kalihukan sa 2025 Higalaay Festival nga gipadagan sa City Tourism and Cultural Affairs Office sa hawanan sa Misamis Oriental Intergrated Sports Complex/MOISC ning syudad.
Migula nga overall champion ang maong brgy alang sa Higalaay dance showdown nga gi-premyuhan sa 500-mil pesos ug laing 50-mil pesos alang sa street dancing category batok sa laing napulo ka contingent aron mas mobibo ang pagsaulog sa kapistahan ni Sr San Agustin sa Agosto 28.
Nakuha usab sa Lumbia contingent ang 60-mil pesos nga special prizes alang sa best storyline,best in production design ug best in choreography sa maong kompetisyon.
Nalakip nila pagkuha ang dugang 50-mil pesos nga balor sa produkto gikan sa Pocari Sweat ug special cash prize sa kompanyang Minute Burger.
Nagsilbi usab nga 1st runner up sa dance showdown ang contingent gikan sa Brgy Lapasan diin midawat sa 400-mil pesos nga premyo.
Gikuha sa mga entrante gikan sa Brgy Carmen ang 2nd runner up place nga adunay 300-mil pesos cash
Gibitbit usab sa Brgy Kauswagan ang 40-mil pesos sa pagsilbing 1st runner up alang sa street dancing ug dugang 30-mil sa Brgy Carmen isip 2nd runner up.
Napun-an ang nadala sa Brgy Kauswagan kay sila ang nakakuha sa best in costume ingon man best in musicality award ang Brgy Gusa nga managsama adunay 20-mil pesos nga premyo.
Dugtong niini,namulong si City Mayor Klarex Uy nga himoon na niya nga uno-milyones pesos ang premyo sa magkampeon sa ikaupat nga tuig sa maong kompetisyon.
Kini tungod kay nasud-ong niini ang kasadya ug kalipay sa mga tawo nga misaksi sa matag-presentasyon sa napulo ka contingents nga gilakipan sa Pagalungan,Pagatpat,FS Catanico,Gusa,Lapasan,Bulua,Lumbia,Carmen,Kauswagan ug Brgy 17.
Hisayrang ang maong kalihukan usa sa tulo sa core events sa kapistahan sa syudad nga tinuyo nga gipagngan sa signal ang linya sa komunikasyon alang sa seguridad sa tanan.
