Gipa-ubos na sa nubenta ka adlaw nga preventive suspension si Police Brigadier General Romeo Macapaz, ang kanhi Hepe sa Criminal Investigation and Detection Group.
Sa press conference nga gilusad sa National Police Commission (NAPOLCOM), namahayag si NAPOLCOM Vice Chairperson Rafael Calinisan ang suspension ni Macapaz nag-ugat sa mga alegasyon nga naglimod ug nagbabag sa imbestigasyon sa kaso sa nawala nga mga sabungero.
Giakusahan siya sa grave misconduct ug conduct unbecoming of a police officer, human sa reklamo nga gisang-at ni Elakim Patidongan, igsoon sa whistleblower nga si Julie “Dondon” Patidongan.
Subay sa imbestigasyon, gi-akusahan si Macapaz nga mikuha ug mi-delete ang mga ebidensya sa cellphone sa mga testigo, lakip na ang SIM card ug memory card, nga posibleng adunay critical nga impormasyon sa kaso.
Namugos si Calinisan nga ang mga aksiyon ni Macapaz nakalapas sa Presidential Decree 1829 nga nagasilot sa obstruction of justice, ug giila kini nga usa sa labing seryosong kaso nga wala pa masulbad sa mga miaging tuig. Una niini, gitin-aw ni Calinisan nga dili silot ang suspension apan, proteksyon kang Macapaz
Mahinumduman nga mismo si Kanhi Chief PNP General Nicolas Torre III ang namahayag nga “internal issue” ang mihungaw nga bangi sa kampo ni General Macapaz nga maoy naghawid sa CIDG ug sa kaso sa missing sabungero.
