Gibutyag sa Department of Justice (DOJ) nga ang ilang mga technical divers sa Philippine Coast Guard nga nag-apil sa search and retrieval operations sa Taal Lake nagkasakit na sa panit, ubo, ug impeksyon sa dalunggan tungod sa hugaw ug peligroso nga kondisyon sa tubig.
Namahayag si DOJ Secretary Jesus Crispin Remulla nga lakip sa gikabalak-an sa PCG ang presensya sa mga venomous water snakes nga walay available nga anti-venom sa nasud.
Ang operasyon kabahin sa imbestigasyon sa pagkawala sa mga sabungero, diin kapin sa 400 ka skeletal remains ang narekober sukad Hulyo 2025.
Ang mga lawas giputos og mesh nets ug gilubong sa ilawom sa tubig, samtang ang DOJ nagpadayon sa legal nga lakang batok sa mga giakusahan.
Nakigsabot usab ang coast guard sa Japan alang sa teknikal nga tabang.
