Lima ka ministro ang gilangkat sa puwesto ni Indonesian President Prabowo Subianto.
Nunot kini sa duguong lihok protesta nga nagresulta sa kamatayon sa napulo ka tawo ug pagkasikop sa kapin 3000 demonstrador.
Lakip sa nasipa sa serbisyo sila Finance Minister Sri Mulyani Indrawati; Budi Gunawan – Coordinating Minister for Politics and Security; lakip ang Minister of Cooperatives, Minister of Youth and Sports ug ang Minister for Migrant Workers Protection.
Namahayag si President Subianto nga ang pagtangtang kanila maoy tubag sa gobyerno sa panawagan sa mga pamilya nga nangayog hustisya sa pagkamatay sa driver sa ride hailing motor nga gibanggaan sa police tactical vehicle samtang milusad sa lihok protesta ang mga batan-ong niadtong Agosto 28.
