Andam si Senador Joel Villanueva nga mopirma sa waiver aron maablihan ang iyang bank account human siya malambigit sa giingong korapsyon kalabotan sa mga proyekto sa flood control sa Department of Public Works and Highways (DPWH).
Gibutyag ni Villanueva, dugay na nilang gisugyot ang usa sugyot balaodnon nga nagmando sa mga opisyal sa gobyerno nga magsumiter sa waiver aron masusi ang ilang mga bank account ug mapalig-on ang transparency ug accountability sa serbisyo publiko.
Mahinumduman nga gi-akusar ni dismissed DPWH Bulacan District Engr. Brice Hernandez si Villanueva, kuyog ni Senador Jinggoy Estrada nga gadawat sa kickback nga 30% sa gibubo nga P300-Milyon nga flood control project sa Bulacan.
Sa iyang privilege speech, giklaro ni Villanueva nga walay basehan ang mga akusasyon ug gipamugos nga adunay siya mga resibo ug ebidensya nga makapamatuod nga wala siya’y kalambigitan sa maong mga proyekto.
Gituohan ni Villanueva nga ang mga akusasyon batok kaniya “scripted” nga “demolition job” ug adunay mas dako nga personalidad nga nagpaluyo niini, nga iyang gitawag nga “Dracula” nga nagtinguha og political agenda.
