Breaking News: Gimanduan sa KORTE SUPREMA ang Commission on Elections (COMELEC), Bangsamoro Transition Authority (BTA), ug uban pang mga awtoridad nga ipahunong sa kasamtangan ang implementasyon sa Bangsamoro Act No. 77.
Sa ilang En Banc Session, nagpagula ang Supreme Court og Temporary Restraining Order (TRO) batok sa napasa nga Bangsamoro Parliamentary Redistricting Act of 2025.Matod sa Korte Suprema, ang maong TRO kay “epektibo dayon” samtang nagpaabot pa sa pinal nga desisyon sa kaso.
Ang TRO may kalabotan sa petisyon nga gisang-at sa pipila ka grupo ug indibidwal nga nag-question sa legalidad sa BAA 77.
Tungod niini, gisugo sa Korte Suprema ang COMELEC ug BTA nga isumite ang ilang komento bahin sa mga petisyon nga may kalambigitan sa maong balaod.
