Namatay na ang Hollywood legend nga si Robert Redford sa edad nga 89-anyos.
Gikumpirmar sa iyang publicist nga si Cindi Berger nga mipanaw ang aktor sa iyang pinuy-anan sa Sundance, Utah niadtong Setyembre 16, apan wala na gibutyag ang hinungdan sa iyang kamatayon.
Gipasidunggan siya niadtong 2016 sa Presidential Medal of Freedom sa panahon ni US President Barack Obama, ilawom sa pag-ila sa iyang kontribusyon sa sinema ug aktibismo.
Nailhan si Redford sa iyang papel sa pelikulang All The President’s Men kauban si Dustin Hoffman niadtong 1976, ug sa Out of Africa niadtong 1985 kauban si Meryl Streep, nga nakadaog og pito ka Academy Awards lakip na ang Best Picture ug Best Director.
Gilamdag sa iyang karisma ug talento ang kapin sa unom ka dekada nga karera sa Hollywood, ug sa dihang nasayran ang iyang kamatayon, daghang mga sikat nga personalidad sa industriya ang nagpaabot sa ilang kaguol ug pasidungog sa usa sa labing bililhon nga aktor sa iyang henerasyon.
