Mag-una ang grupong August Twenty-One Movement (ATOM) sa umaabot nga Trillion Peso March karong September 21 aron dumdumon ang dulom nga kagahapon sa martial law sa nasud.
Sumala ni Volt Bohol sa ATOM, dili na ikatingala kung nganong daghan na ang katawhang motindog ug mopadayag sa ilang sentimento batok sa isyu sa nasud, kay alang kaniya, hinay-hinay nang nakamata ang katawhan sa kakulangon ug kapakyasan sa gobyerno.
Gibutyag pa ni Bohol nga ang rally nga mahitabo sa Dominggo dili lamang alang sa mga aktibista, apan alang usab sa tanang Pilipino nga nagpakabana ug dugay nang nagalaom sa kabag-ohan sa nasud.
