Nabalaka si kanhi Presidential Spokesperson Atty Harry Roque sa mga girekomendar nga kaso sa prosekyutor sa International Criminal Court (ICC).
Sa iyang latest video, natingala si Atty Roque kung nganong napasaka ang kaso bisan wala pay klaro ang mga ebidensya nga nasang-at sa korte.
Gipasabot ni Roque nga sa sistema sa Pilipinas, ang ebidensya ipresentar una sa piskalya sa dili pa ang pagsaka sa kaso, apan sa ICC, baliktad ang proseso.
Gumikan niini, gisaway ni Roque ang “racial bias” ang ICC tungod kay target lang niini ang mga lider sa developing countries.
Una niini, gawas kang Duterte, lakip sa posibleng mapatawag sa hearing si Senador Ronald Bato dela Rosa.
Miingon si Atty Kristina Conti, ICC Assistant to Counsel nga usa ang senador nga kuwestiyonon sa korte kay siya man ang implementor sa Oplan Tokhang ug War on Drugs campaign sa tuig 2016 dihang siya ang hepe sa kapulisan sa Davao hangtud sa nahuptan ang labing taas nga posisyon sa Philippine National Police (PNP) pinaagi sa appointment ni Duterte.
