Sa gipahigayong pagdungog sa Senate Blue Ribbon Committee si kanhi DPWH Undersecretary Roberto Bernardo mitunol sa iyang unang affidavit nga naglangkob sa daghang pasangil sa korapsyon nga may kalabotan sa flood control projects. Unod niini ang 20-20-20-40 scheme. Miangkon siya sa iyang kalapasan isip opisyal sa DPWH, ug nagpasalamat sa oportunidad nga makorek ang iyang mga sayop. Nangayo siya’g pasaylo sa gobyerno, publiko, pamilya, ug sa mga tawo nga iyang nadismaya. Iyang gipalanoy nga siya nag-aplay sa Witness Protection Program sa Department of Justice tungod sa kahadlok sa iyang seguridad ug sa iyang pamilya.
Si Bernando miingon nga adunay upat ka senador, usa ka kongresista, usa ka miyembro sa constitutional commission ug usa ka undersecretary. Mitug-an si Bernardo nga nadeliver niya kang Maynar Ngu ang ₱160 milyon nga cash ug giingon nga campaign contributor ug higala ni Senador Chiz Escudero. Kini nga salapi maoy 20% kickback gikan sa ₱800 milyon nga proyekto. Giingon ni Bernardo nga ang iyang mga rebelasyon makapahuyang sa pagsalig sa publiko sa duha ka sanga sa gobyerno ug sa usa ka constitutional body. Posibleng makahatag og destabilization sa political processes ug national security. Bernardo mipasalig nga magkooperar sa imbestigasyon ug maghatag pa og dugang ebidensya sa sunod nga mga hearing.
