Hugtanong gihagit ni House Senior Deputy Minority Leader Rep. Edgar Erice sila Presidente Ferdinand “Bongbong” Marcos Jr. ug Bise Presidente Sara Duterte nga ipatuman ang Anti-Political Dynasty Law isip usa ka konkretong lakang sa pagpakita sa ilang sinseridad sa pagpangalagad sa katawhan.
Namugos si Erice nga ang maong balaod dili lamang simbolo sa reporma apan nag-inusarang paagi aron mapugngan ang padayon nga pagdominar sa pipila ka pamilya sa pulitika sa nasud.
Gipadayag ni Erice ang iyang panawagan atol sa budget deliberations sa plenaryo kagahapon, diin iyang giingon nga ang tinuod nga serbisyo publiko kinahanglan walay mantsa sa personal nga interes.
Gihagit sa magbabalaod silang Marcos ug Duterte ng suportahan ug muslamot sa ilang lakang aron makunhuran ang impluwensiya sa mga political dynasties nga dugay nang nagdominar sa sistema sa Pilipinas.
Gawas niini, iya usab gi-awhag ang iyang kaubang magbabalaod nga minusan ang pagpatambok sa pondo nga makapadani sa pipila kanila nga mangurakot.
