Aprobado na ang P8-Milyon pesos nga ayuda nga itunol sa City Government sa Iligan.
Sa gilusad nga espesyal nga sesyon sa konseho, kauban ang Iligan City Disaster Risk Reduction and Management Council, napasar ang resulosyon nga gatugot sa paghatag sa ayuda sa pito ka syudad ug munisipyo sa Cebu nga pinaka-apektado sa linog.
Ang pundo kuhaon sa Quick Response Fund, karung tuiga.
Gibutyag ni Mayor Frederick Siao nga aduna pay nahabilin nga P45-Million nga Quick Response Fund ang syudad sa tuig 2025.
Duha ka P2-M ang ihatag ngadto sa Bogo City nga gitay-og sa 6.9 magnitude nga linog niadtong Septembre 30, 2025 sa gabii.
Lakip nga tunulan sa hinabang ang Daan Bantayan, San Remegio, Medellin, Tabuelan, Borbon, ug Tabogon nga tag P1-Milyon.
Una niini, miabiso ang Office of the Civil Defense nga igo na ang gidaghanon sa responders sa Cebu ug mas kinahanglan na nila karun ang pinansyal nga tabang alang sa rehabilitasyon ug recovery.
Sa ulahing report sa OCD, mi-abot na sa kinatibuk-an og 39,806 ang damaged houses sa linog sa Cebu, ug sobra 165,000 ka-affected families.
“Together, let us uphold the spirit of bayanihan–one city helping another, one Filipino helping another,” sumala ni Mayor Siao.
