Gibu-ak ni Mayor Rolando Klarex Uy ang iyang dugay nga kahilom sa viral issue sa kontaminadong tubig gikan sa Cagayan de Oro Water District (COWD).
Sa labing unang higayon, human sa flag raising ceremony niadtong lunes, gipadayag ni Mayor Uy nga nga siya mismo ang mikuhag tubig gikan sa gripo ug gi-inom aron pamatud-an nga “safety” o luwas ang tubig-mainom sa COWD.
Una niini, ubay-ubay ka mga residente sa lungsod ang nakasinati sa Acute Gastroenterities tungod sa pagduda nga kontaminado ang “distributed water” gikan sa water district.
Una nang gipamatud-an sa City Health Office nga wala nagsumikad sa COWD ang hugaw kontaminadong tubig apan, nagsumikad kini sa hugaw nga reservior sa kan-anan sa duha ka malls, ning syudad.
